***
സന്ധ്യക്കു പശ്ചിമ പയോധിയെരിച്ചടക്കും
ചെന്തീച്ചുവപ്പുമൊരു മിഥ്യസമം സ്മരിച്ചാല്
ചന്തത്തിനില്ല കുറവെങ്കിലുമെന്റെയീശാ-
യിന്ദുപ്രസാദവുമിദം പരകായ വേഷം !
സ്വാന്തം കറുത്തു കരിവീണ പയോധരങ്ങള്
ചിന്തുന്ന കാന്തിയതുലം, ചില നേരമെന്നാല്
ഏന്തുന്നു മിന്നലിടിവാളിതു മൂര്ച്ചയേറും
കുന്തം കണക്കു ധര കുത്തി മുറിച്ചിടുന്നൂ
കത്തിക്കരിഞ്ഞു മൃതരായയുഡുക്കളെന്നോ
സ്വത്വം വെടിഞ്ഞരിയ വെട്ടമണഞ്ഞു മാഞ്ഞു
സത്യത്തിലിന്നുമതിനുള്ളൊരു കാന്തി പൂരം
മിഥ്യാഭ്രമം! ഭ്രമമകറ്റണമെന്തു മാര്ഗ്ഗം ?
Sunday, July 4, 2010
Subscribe to:
Post Comments (Atom)
No comments:
Post a Comment