Posts
ഏതാ നിന്‍ കുലം ?
ഏതാ നിന്‍ കുലമേതുരാജ്യമെവിടം
ജന്മസ്ഥലം ഹേ,പറ-
ഞ്ഞീടാന്‍ കര്‍ണ്ണ! അറിഞ്ഞിടട്ടെ നിയതം
ചൊല്ലേണമീ വേദിയില്‍.
സൂതന്‍ നിന്‍ പ്രിയതാതനോ? എവിടെനിന്‍
ചമ്മട്ടിയിമ്മട്ടിലി-
ശ്രീതാവും സഭയില്‍ക്കടന്നു വെറുതേ
നേരം കളഞ്ഞെന്തിനായ്?
ശ്രീകൃഷ്ണ കര്‍ണ്ണാമൃതം*
അയ്യയ്യോ ശനി, നാളെ ഞായറിനിയെന്‍
വയ്യായ്കനീങ്ങീടുമോ
പയ്യെപ്പയ്യെ നടന്നു വല്ലവിധവും
ചെല്ലേണമെന്താകിലും
വയ്യാ എന്നു പറഞ്ഞിടായ്ക മനമേ,
ശ്രീകൃഷ്ണ കര്‍ണ്ണാമൃതം
തയ്യാറാക്കിയൊരാളിതാ വടിയുമായ്
നില്‍ക്കുന്നു ഞാന്‍ പോയിടും!
(*പ്രൊഫസര്‍ ശ്രീലകം സാറിന്റെ ശ്രീകൃഷ്ണകര്‍ണ്ണാമൃതം (തര്‍ജ്ജമ)
പുസ്തകപ്രകാശനം ഈ
മാസം എട്ടിനു കോട്ടയത്ത് വച്ചു നടന്നു.
പനിയായിരുന്നെങ്കിലും ഞാനും
ചെന്നിരുന്നു. അതിനു തലേദിവസം
എഴുതിയ ശ്ലോകമാണിത്)കെല്പുതാ തമ്പുരാനേ!
*കപ്ലിങ്ങാടന്‍ ഋഷീന്ദ്രന്‍,രവി.ഞൊടിയിടയില്‍
ശ്ലോകമോതുന്ന കുട്ടന്‍
നല്പീലിക്കണ്ണു,കണ്ണില്‍ക്കരളിലണിയുമ-
ശ്രീലകം, ശ്രീജ,ദേവന്‍
മുപ്പാരില്‍ മുമ്പിലെത്തും കവനകലയിലെ-
ക്കാതലാം ജാതവേദര്‍-
ക്കൊപ്പം ശില്പങ്ങള്‍ തീര്‍ക്കാന്‍ കഴിയുവതു സുഖം
കെല്പുതാ തമ്പുരാനേ!
*എല്ലാം ശ്ലോകക്കാരാ.അരിയന്നൂര്‍ അക്ഷരശ്ലോകം സൈറ്റില്‍
സ്വന്തംശ്ലോകങ്ങള്‍
തല്‍സമയം ചമയ്ക്കുന്ന ഒരു അക്ഷരശ്ലോക
സദസ്സു നടക്കുന്നുണ്ട്. അതിലെ
എഴുത്തുകാര്‍...!രാമായണം!
വൃത്തം വൃത്തിപകര്‍ത്തിടും കവിതയെ-
ക്കെട്ടാനൊരുങ്ങുന്നവര്‍-
ക്കേറ്റം ശക്തിയണച്ചിടും വരികളാ-
മിപ്പൈങ്കിളിപ്പാട്ടുകള്‍
പേര്‍ത്തും പേര്‍ത്തുമുരയ്ക്കവേ, തെളിയുമെന്‍
വാഗ് വൈഭവം നിസ്തുലം
സ്വത്താ,യിമ്മലയാളമമ്മ കരളില്‍-
ത്തൂവുന്നു; രാമായണം!
അനര്‍ത്ഥങ്ങള്‍
വൃത്തക്കേടിലിതൊലൊട്ടുമില്ല, കഠിനം
വക്കേറെ, വാക്കിന്നരം
തീര്‍ത്തും കുത്തിമുറിച്ചിടുന്ന കവിതാ
പാദങ്ങള്‍ കൃത്യം സഖേ!
പേര്‍ത്തൊന്നാരുമറിഞ്ഞുനോക്കുവതിനോ
തോന്നില്ലയെന്നാകിലും
വൃത്തം കുത്തിനിറച്ചിതായിതുവിധം
തീര്‍ക്കുന്നനര്‍ത്ഥങ്ങള്‍ ഞാന്‍ !!
വൃത്തം കുത്തിനിറച്ചതി മധുരമായ്
ReplyDeleteതീര്‍ക്കുന്നു ശ്ലോകങ്ങള്‍ താന്‍ !!
(ശ്ലോകക്കാരില്‍ ശ്രീജയെ മാത്രമെ അറിയൂ. മറ്റുള്ളവരുടെ ലിങ്ക് തരാമോ?)
നന്ദി വരികള്‍ക്ക്
Deleteവൃത്തം തീര്‍ക്കുക വൃത്തിയുണ്ടു, വളരെപ്പേരുണ്ടിതാ കാണുക
http://www.aksharaslokam.com/apps/forums/
വൃത്തത്തിലാക്കീടുവാൻ നോക്കീടുമെൻതല
ReplyDeleteവൃത്തത്തിലയ്യോ ചുറ്റിടുന്നെപ്പോഴും
നന്നായിരിക്കുന്നു
ReplyDeleteആശംസകള്‍